Harry Kane do të jetë në fushë nga minuta e parë për Tottenham kundër Manchester United në ndeshjen e tyre të parë në Premier League pas pezullimit të futbollit nga pandemia e coronavirusit.
Kane, 26-vjeç, u dëmtua në humbjen kundër Southhampton më 31 dhjetor 2019 ndërsa tashmë Mourinho deklaron se anglezi është rikuperuar plotësisht.
Fillimisht ishte e sigurt që Kane do të humbiste të gjithë sezonin 2019-2020 por për shkak të virusit anglezi do të jetë në gjendje të luajë një rol kryesor për skuadrën e tij në 9-të ndeshjet e fundit të sezonit.
“Kane nuk ka luajtur futboll për më shumë se gjashtë muaj, por ai po punon jashtëzakonisht mirë. Unë mund t’ju them vetëm që ai do të startojë në ndeshjen e ardhshme.
“A mund të luajë ai për 90, 80, 70, 60 apo minuta? Vetëm ndeshja do të na e tregojë këtë. Nuk e di se në çfarë forme do të jetë por ai është një profesionist i vërtetë dhe nesër do të startojë.”- ka thënë Mourinho.
Tottenham-Manchester United luhet nesër në orën 21:15 dhe kjo do të jetë ndeshja e parë për të dyja skuadrat pas më shumë se tre muaj mungese aktiviteti.
