KPK shkarkon nga detyra Fatmira Hajdarin

Shkarkohet nga detyra e gjyqtares së Apelit të Tiranës, Fatmira Hajdari. Vendimi u njoftua sot nga Komisioni i Pavarur i Kualifikimit.

Në fund të seancës të njoftimit të vendimit, avokati që përfaqësoi gjyqtaren në KPK, Maks Haxhia tha për gazetarët: “këta (KPK) kanë listat, po pastrojnë” dhe paralajmëroi ankim të vendimit.

“Këta nuk po pyesin për ligj xhanëm se Kushtetuta e ka, aneksi i Kushtetutës deri në dyfishin e pasurisë por këta nuk e kanë respektuar asnjëherë. Këta kanë listat dhe po pastrojnë”, tha ai.

LEXO EDHE  Sulltani viziton Shqipërinë, ja rrugët që do jenë të bllokuara nesër

Ndërsa Fatmira Hajdari u shpreh se verdikti i KPK, ishte i pritshëm.

Një sërë mosdeklarimesh të pasurisë, deklarime jo të plota në vite dhe mohimi i revokimit të vizës nga ambasada e SHBA-së në Tiranë, e vunë në pozitë të vështirë gjyqtaren e Gjykatës së Apelit të Tiranës, Fatmira Hajdari, gjatë seancës dëgjimore.

Gjyqtarja e Gjykatës së Apelit të Tiranës, Fatmira Hajdari u përball të hënën me Komisionin e Pavarur të Kualifikimit, në seancën dëgjimore.

Lexo:

Pasuritë dhe viza e revokuar rrezikojnë karrierën e gjyqtares Fatmira Hajdari