Sulmuesi i krahut, Nani, tregon se bashkëkombësi i tij, Cristiano Ronaldo, i ka rrëfyer se ka gjasa që ai ta përfundojë karrierën e tij në Shtetet e Bashkuara të Amerikës.
Dyshja kanë qenë shokë skuadre te Manchester United dhe Kombëtarja e Portugalisë, ndërsa janë shumë të afërt me njëri-tjetrin.
Ronaldo është raportuar se mund t’i ndjekë hapat e lojtarëve si David Beckham, Zlatan Ibrahimovic, Thierry Henry e David Villa, duke shkuar në ligën amerikane MLS për të mbyllur karrierën.
Dhe duket se diçka të tillë e ka konfirmuar Nani i cili duke folur për ESPN, ka thënë:
“Para pak vitesh, ai më tha se ka gjasa që, në fund të fundit, ai të vijë në Amerikë. Nuk është 100 për qind e sigurt, por ka gjasa. Ka mundësi të ndodhë”.- ka thënë Nani
