Greqia ka parë relativisht pak raste me koronavirus. Sipas të dhënave nga Universiteti ‘John Hopkins’, ajo ka regjistruar 3148 infeksione të konfirmuara dhe 185 vdekje, dhe qeveria ka lejuar tashmë bizneset të rihapen dhe të rifillojnë udhëtimet në të gjithë vendin
Që nga e hëna, autoritetet kanë lejuar gjithashtu të rihapen bordellot- megjithëse nën udhëzime të reja të rrepta.
Vizitat janë të kufizuara në 15 minuta për çdo klient, kurse maskat janë të rekomanduara për punonjëset dhe klientët.
Dyert dhe dritaret duhet të mbahen të hapura për të lejuar ajrin e pastër, pagesa duhet të bëhet vetëm me kartë dhe jo me para, dhe bizneset duhet të mbajnë një listë të klientëve- së bashku me emrat dhe numrat e tyre të telefonit- në një zarf të mbyllur për katër javë, në rast se autoritetet duhet të gjurmojnë infeksionet.
Edhe vende të tjera po mendojnë të lejojnë përsëri punën e seksit. Qeveria holandeze planifikon të hapë bordellot më 1 shtator, megjithëse ka thirrje që kjo të ndodhë më shpejt.
Punëtorët e seksit në të gjithë botën kanë frikë për të ardhurat e tyre në mesin e këtij shpërthimi. Disa prej tyre janë detyruar të punojnë edhe në pandemi, për të fituar të ardhurat e nevojshme./BBC
