Drejtuesi i motoçikletës që u përplas nga një makinë policie në Elbasan, ka ndërruar jetë.
Aksidenti ndodhi më herët gjatë ditës në aksin Elbasan-Librazhd, ku Kadri Myrtezai, 65 vjeç, nën drejtimin e një motoçiklete, u përplas me një makinë policie.
Drejtuesi i motorit u dërguar me urgjencë në spitalin rajonal, në gjendje të rëndë. Disa orë më pas, ndërroi jetë.
Ndërkohë, një grup hetimor është ngritur për zbardhjen e shkaqeve të aksidentit.
“Në aksin rrugor Elbasan-Librazhd, është përplasur mjeti i policisë me një motoçikletë dhe për pasojë është plagosur drejtuesi i motoçikletës shtetasi K.M., 65 vjeç, banues në Elbasan, i cili ndërroi jetë në Spital. Grupi hetimor ndodhet në vendngjarje dhe po punon për zbardhjen e shkakut të aksidentit”, njoftoi policia.
