KPK ka shkarkuar nga detyra prokurorin e Prokurorisë Tiranë, Blerim Tomina për shkak të problemeve me pasurinë.
Seanca dëgjimore u zhvillua të premten e 12 qershorit dhe trupa gjykuese përbëhej nga Genta Tafa Bungo, Etleva Çiftja dhe Suela Zhegun.
Gjatë seancës dëgjimore KPK ngriti dyshime se subjekti kishte mungesë burimesh të ligjshme financiare për dy lokale, dy apartamente, si dhe depozita bankare në vlerë mijëra euro. Prokurori Blerim Tominaj rezulton me pasuri të pajustifikuar në vlerën e 3.6 milionë lekëve për vitet 2011, 2012 dhe 2013. Diferencat negative lidhen kryesisht me blerjen e një lokali me vlerë 140 mijë euro përmes huave.
Blerim Tominaj e nisi karrierën në sistemin e drejtësisë në vitin 1993 dhe punoi për më shumë se një dekadë si prokuror në Prokurorinë e Tiranës. Në vitin 2014, ai u emërua zv.drejtues i Prokurorisë së Krimeve të Rënda dhe vazhdoi të punonte në këtë prokurori deri në shkrirjen e saj në dhjetor të vitit 2019. . Aktualisht, Tominaj ishte komanduar si prokuror në Prokurorinë e Tiranës.
