Dikur aleat i PS dhe i Edi Ramës, sot Paskal Milo, kryetar i PDS-së, nuk e mban mend kohën kur ka folur për herë të fundit me Kryeministrin.
Në Top Talk, Milo pohoi se raportet mes tij dhe Kryetarit të PS-së Edi Rama janë zero.
I pyetur se kur kishte patur një bisedë politike për herë të fundit me kreun e socialistëve, Milo u shpreh se nuk e mbante mend. Sipas tij 2013 ishte koha kur fliste me Ramën para se PS-ja të vinte në pushtet.
Milo tha se Rama mendon se partitë aleate janë parazite ndaj ka vendosur të mos i konsiderojë, por kjo do ta dëmtojë të majtën në tërësi sipas tij pasi fragmentarizimi nuk i shërben askujt.
Milo u shpreh i gatshëm për bashkëpunim me çdo forcë politike apo koalicion që do të shfaqë interes në kuadër të sistemit aktual elektoral që favorizon koalicionet në garën zgjedhore.
