Trajneri i Juventusit, Maurizio Sarri, nuk po kalon muaj mjalti në Itali. Numri një i stolit po vuan te Juventusi dhe do vetëm të fitojë titullin. Zërat kundër tij janë shtuar ndjeshëm dhe së fundmi e ka kritikuar dhe ish-trajneri italian, Luigi Cagni.
“Sarri ka shumë gjëra për të mësuar, e di edhe vetë diçka të tillë. Idetë e tij kaotike nuk përputhen me ato të Juventusit sipas mendimit tim. Më trembi me deklaratën e bërë pas ndeshjes me Milanin.”
“Nuk mund t’i kërkosh Douglas Costës të luajë me 2-3 prekje, përndryshe nuk ke nevojë për lojtarë si ai, Dybala dhe Ronaldo. Sarri nuk e ka akoma personalitetin e trajnerit të madh. Ka vetëm gjashtë vite në këtë post, ai ka lindur dje“, tha Cagni.
