Goditen 7 raste të krimeve mjedisore

Policia e Dibrës ka goditur 7 raste të krimeve mjedisore të 2 javëve të para të muajit qershor. Më 6 raste të ndërtimeve të paligjshme dhe 1 rast i prerjes së paligjshme të pyjeve.

Si rezultat janë proceduar penalisht në gjendje të lirë shtetasit: U. C., B. XH., S. M., banues në Bulqizë, Q. L., S. D., SH. P., banues në Dibër, pasi janë konstatuar nga shërbimet e Policisë duke ndërtuar objekte, pa lejen e organeve përkatëse.

LEXO EDHE  Koronavirusi në Greqi/ 95 humbje jete dhe mbi 10 mijë të infektuar në 24 orët e fundit

Si dhe është proceduar penalisht dhe shtetasi F. G., banues në Dibër, pasi është kapur duke transportuar 7 m3 lëndë drusore, me automjetin tip ifa, pa dokumentacionin përkatës. Lënda drusore dhe automjeti janë sekuestruar në cilësinë e provës materiale.

Materialet në ngarkim të këtyre shtetasve janë referuar në Prokurorinë e Rrethit Gjyqësor Dibër, për veprat penale “Prerja e paligjshme e pyjeve” dhe “Ndërtim i paligjshëm”.