Rekordi i shifrave ditore me COVID-19 vazhdon të thyhet dit pas dite në vendin tonë. Burime bëjnë me dije se për 24 orët e fundit janë konfirmuar 69 raste pozitive me COVID-19.
Kjo është shifra më e lartë e regjistruar që prej fillimit të pandemisë në vendin tonë. Sot janë 12 raste të reja më shumë se dje ku u konfirmuan 57 raste pozitive.
Edhe pse shifrat po vazhdojnë të rriten ditë për ditë duke u bërë gjithnjë e më shumë problematike, në mbledhjen që zhvilloi të premten Komiteti Teknik i Ekspertëve mori vendimin që të mos rikthehen masat kufizuese pasi nuk e shihnin të arsyeshme.
Sipas mjekëve rritja e numrit të të infektuarëve ishte e pritshme pas hapjes së vendit dhe rikthimi i jetës normale.
