Capital T dhe Majk kanë pasur raporte shumë të mira me njëri tjetrin madje kanë bërë edhe një bashkëpunim që ka rezultuar shumë i suksesshëm, këngën ‘Pasha jetën’. Por, duket se me kohën, gjërat kanë ndryshuar, ose të paktën kështu duket.
Ka qenë Majk i pari që ka lëshuar ofendime ndaj dikujt, pa përmendur emër, siç vepron shpesh në InstaStory.
Pa kaluar shumë kohë nga ky postim i Majkut, një tjetër nga Capital T është interpretuar në rrjet si kundërpërgjigje.
“Përse urrejtje kur unë kam shfaqur dashuri. Përse je i inatosur vëlla” – është shprehur reperi, duke lënë të kuptohet se po i përgjigjet Majk.
Kunjat e lëshuara kundrejt njëri-tjetrit besohet se nisin nga hatërmbetja pas konfirmimit të duetit të Capital T me Ledrin i cili publikohet pasnesër si pjesë e albumit “Skulpturë”. Një afrim i tillë duket të mos i ketë pëlqyer Majk.
