Duke filluar nga kjo e hënë, datë 15 qershor, do të rinisin fluturimet nga aeroporti “Nënë Tereza” me disa nga qytetet evropiane, pas ndërprerjes gati 3 mujorëshe për shkak të pandemisë COVID-19.
Tirana International Airport njofton se sot rifillojnë fluturimet e mëposhtme:
Austria Airlines – Fluturimi nga Vjena mbërrin në 14.20 dhe niset në 15.05
Air Serbia – Fluturimi nga Beogradi mbërrin në 14.30 dhe niset në 15.00
Air Albania – Fluturimi i riatdhesimit nga Frankfurti mbërrin në 18.15
Aegean Airline – Fluturimi nga Athina mbërrin në 19.25 dhe niset në 20.05
TIA iu bën apel pasagjerëve që udhëtojnë, të respektojnë protokollet e higjenës dhe bën me dije se maskat janë të detyrueshme.
Ndërkohë, theksohet se nisjet nga Shqipëria janë ende të kufizuara për personat që nuk janë të pajisur me leje qëndrimi apo pasaportë për destinacionet e sipërpërmendura. Lejohen të udhëtojnë vetëm rezidentët në Bashkimin Europian dhe nënshtetasit EU.
