Adelina Tahiri tregon planet për të ardhmen dhe pendesat e jetës

Foto: Instagram

Këngëtarja Adelina Tahiri në një intervistë përmes një videoje live me ‘Revistën Story’ rrëfeu më shumë rreth jetës personale apo planet për të ardhmen.

Ajo tregoi se janë bërë 6 vite nga dita kur ka njohur bashkëshortin e saj, Serjoza Markov, ndërsa shton se vazhdon të jetë e dashuruar kokë e këmbë. Pas djalit të tyre Jon, ata kanë menduar të bëjnë dhe fëmijë të tjerë, ndërsa shton se dëshiron një vajzë, mirëpo po stepet nga “frika” se fëmija i dytë do të jetë sërish djalë.

LEXO EDHE  Arjan Konomi "thumbon" haptazi Donald Veshajn, ja çfarë thotë opinionisti

Ndër të tjera, këngëtarja zbuloi dhe projektin muzikor për të cilin është penduar, dhe bëhet fjalë për këngën e saj të vjetër “Whisky”, duke rikujtuar kujtimet negative që e lidhnin me këtë projekt.

Ndërkohë Adelina rrëfeu se po punon për projekte të reja, të cilat u vonuan për shkak të pandemisë COVID-19.