Eksperti i ekonomisë, Zef Preçi, në një intervistë për Fax News, shprehet se Eurobondi u mor me qëllim shlyerjen e borxheve të mëparshme, ndërsa shtoi se është e papranueshme që nuk ka ende një plan sesi ato do të shpenzohen.
“Eurobondi ka qenë një lëvizje e detyrueshme për Qeverinë shqiptare, për shkak se duhen shlyer borxhet e vjetra. Nuk ka vend për entuziazëm, jemi me shifra të njëjta si vendet e tjera të rajonit, kjo shumë parash shton borxhet e shtetit.
Problemi me borxhin e shtetit është shumë planësh, pasi çon në përkeqësimin e shërbimeve publike, uroj dhe shpresoj që qeveria të mos rrisë më tej borxhin, dhe të ketë sa më shumë investime kapitale”, tha Preçi.
Ai komentoi dhe deklaratat e Ramës se do të heqë taksat dhe TVSH për biznesin e vogël, që sipas tij është një nismë pastërtisht me qëllime elektorale, por që nuk do të sillnin asnjë impakt të madh në ekonomi.
“Kjo nismë e qeverisë synon të marrë kapital votash, për shkak se biznesi i vogël ka një kountribut të vogël në ekonomi. Oligarkët janë të vetmit që nuk i prek kriza, dhe në këtë këndvështrim është një korigjim gabimesh, në pjesën e taksave, ndërsa në rolin e TVSH-së unë e gjykoj se është një veprim i gabuar, pasi përmes saj synohet që të bëhet sa më formale ekonomia. Ky është dhe qëllimi i TVSH-së”, tha Preçi.
I pyetur lidhur me amnistinë fiskale që ka premtuar qeveria, Preçi tha se kjo është një nismë që synon favorizimin e grupeve kríminale, dhe që do të mbajë larg vendit investitorë të rëndësishëm.
“Është një dëshmi plus që ka oligarkia në ekonominë e vendit, do të sjellë stepje të investitorëve të huaj në vendin tonë’, tha Preçi.
