Aktori Ilir Rexhepi, që jeton në Gjermani, ka vazhduar me rolet e ndryshme nëpër seriale televizive. Së fundmi, ylli shqiptar që ka spikatur edhe në “Netflix” është pjesë e një filmi të ri me titull “Der Zürich Krimi”.
Në një lidhje me Skype, në emisionin ‘Happy day’, në Klan Macedonia, Rexhepi tregoi se për çfarë bën fjalë ky film dhe si është gjetur ai mes kastit.
“Nuk dua ta quaj mafia, bën fjalë për një avokat që nis të bëjë hetime për grupe të ndryshme kriminale, dhe këtë radhë ka në fokus një grup shqiptarësh që operojnë në Zvicër. Këtu nis I gjithë aksioni….shqiptarët merren me lëndë narkotike,”- thotë Rexhepi ndër të tjera.
I pyetur në lidhje me mënyrën se si shihen shqiptarët nga jashtë, të fokusuar vetëm në mafie dhe në grupe kriminale, Rexhepi tha se kjo gjë nuk është e vërtetë.
“Shqiptarët aknë evoluar…ne tashmë nuk na shohin më me të njëjtin sy, kemi ecur shumë përpara dhe kemi dhënë pjesë nga vetja jonë,”- tha aktori.
