Policia e Tiranë ka arrestuar 7 persona, dy prej të cilëve ishin shpallur në kërkim kombëtar. Si dhe ka proceduar penalisht një shtetas tjetër.
Më konkretisht:
Sipas burimeve zyrtare është goditur një rast i shpërndarjes së lëndëve narkotike duke vënë në pranga shtetasin Xh. Ç., 18 vjeç, banues në Tiranë. Ky shtetas qarkullonte me mjet motorr me drejtues shtetasin E.S., dhe gjatë kontrollit fizik ju gjet dhe ju sekuestrua në cilësinë e provës materiale 16 gr lëndë narkotike e dyshuar cannabis sattiva. Në vijim të veprimeve u procedua penalisht shtetasi E.S., 22 vjeç, për veprën penale “Moskallëzimi i krimit”.
Është arrestuar për veprën penale “Largimi i të burgosurit nga vendi i qëndrimit”, shtetasin A. V., 28 vjeç, banues në Tiranë, pasi ka thyer masën e sigurisë “Arrest në shtëpi” të dhënë nga Gjykata e Rrethit Gjyqësor Tiranë dhe është konstatuar nga shërbimet e Policisë jashtë banesës së tij.
Është arrestuar dhe shtetasi O.C., 34 vjeç, pasi në rrugën “Frosina Plaku”, pasi është kapur në thyerje të masës së sigurise “Arrest në shtëpi”, dhënë nga Gjykata, për veprën penale “Dhuna në familje”.
Në vijim të punës për kapjen e personave të shpallur në kërkim, nga strukturat e Policisë Tiranë janë kapur shtetasit:
-K. H., 32 vjeç, pasi ishte shpallur në kërkim për veprën penale “Vjedhja” e kryer në bashkëpunim ;
-A. Q (Ç)., 33 vjeç, pasi ishte shpallur në kërkim për veprat penale “Dhuna në familje” dhe “Vjedhja” e kryer në bashkëpunim.
Ndërkohë, nga specialistët e Qarkullimit Rrugor janë arrestuar shtetasit:
-D.J., 22 vjeç, pasi tek mbikalimi në Qafë Kashar, duke drejtuar mjetin tip “Ford” ka aksidentuar këmbësorin Z.Z.,i cili ndodhet në spital, në gjendje të rëndë shëndetësore ;
-A. L., 21 vjeç, pasi u kap në flagrancë duke drejtuar mjetin pa lejen përkatëse dhe në gjendje të dehur.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
