Policia e Vlorës ka vënë në pranga dy persona të shpallur në kërkim dhe rezultojnë të dënuar me vendim të formës së prerë nga Gjykata.
Pas hekurave ka përfunduar Vullnet Lelaj, 38 vjeç, banues në fshatin Mesaplik, Selenicë.
“Ky shtetas është dënuar me 6 vite burg, për veprën penale “Moskallëzim krimi, kryer në bashkëpunim”, në lidhje me ngjarjen e ndodhur në korrik të vitit 2016, në fshatin Vranisht, ku për motive të paqarta mbeti i vrarë një 20-vjeçar nga Librazhdi. Ky shtetas u kap duke udhëtuar me automjetin e tij në fshatin Ploç të Selenicës dhe është dënuar nga Gjykata edhe për veprën penale “Kultivimi i bimëve narkotike” kryer në bashkëpunim.” thuhet në njoftimin e
Pas hekurave ka pëfunduar dhe shtetasi Ergest Sina, 29 vjeç, banues në Vlorë.
Ky shtetas ishte shpallur në kërkim, sepse Gjykata e ka dënuar me 2 vite burg, për veprën penale “Armëmbajtja pa leje”, për ngjarjen e ndodhur në 18 janar të vitit 2016, në zonën e Skelës, pasi dyshohet se në bashkëpunim me një tjetër, ka qëlluar me armë zjarri në ajër.
Gjithashtu mësohet se dje pas kapjes së këtij shtetasi është ushtruar kontroll në banesën e tij në lagjen “24 Maji” Vlorë, ku janë gjetur dhe sekuestruar një sasi municioni luftarak (72 fishekë) dhe 1700 fara të dyshuara si cannabis sativa.
Materialet iu referuan Prokurorisë, për veprime të mëtejshme.
Një 29 vjeçar është arrestuar nga policia e Vlorës, pasi akuzohet për kultivim të lëndëve narkotike. Pas hekurave ka përfunduar shtetasi Ergest Sina.
29- vjeçari Ergest Sina është arrestuar në Vlorë pasi u kap në banesë me 1 mijë e 700 fara bimore dhe 72 fishekë luftarakë.
Sina është një person me precedent penal dhe njihet për një ngjarje 4 vite më parë në qytetin e Vlorës.
Ai qëlloi me armë nga një mjet luksoz tip ‘’Porche’’ afër një qendre tregtare por nuk la njeri të lënduar.
