Spanja e bën maskën të detyrueshme deri në përfundim të gjendjes së pandemisë së koronavirusit, teksa gjendja e emergjencës përfundon më 21 qershor.
Merret vendimi për mbajtjen në fuqi të masave mbrojtëse individuale deri në përfundim të pandemisë, ose thënë ndryshe, deri kur të dalë një vaksinë anti-Covid, ose një kurë efikase.
Deklarata u bë ditën e martë, nga ministri i Shëndetësisë, Salvador Illa.
Krahas maskave, qytetarët spanjollë duhet të respektojnë në muajt në vijim, distancën prej 1.5 metra në ambientet e mbyllura.
Kush nuk mban maskë apo nuk respekton distancën, do të gjobitet me 100 euro, shkruan noa.al. Pas tre muajve mbyllur, ditën e hënë u hap Madridi, por edhe Prado, një prej muzeve më të rëndësishëm në botë.
