VIDEO/ Në dy ditë arrestohen 33 drejtues dhe bllokohen 62 mjete

38 të arrestuar, 1051 masa administrative dhe 62 motomjete të bllokuara është bilanci i operacionit policor “Tispol – Motomjete 2020” për respektimin e legjislacionit rrugor nga drejtuesit e automjeteve.

Policia Rrugore, në të gjithë vendin, për dy ditë me radhë mësohet se ka organizuar kontrolle në rrugët urbane dhe interurbane, si dhe në rrugët rurale, për motomjetet dhe mjetet në përgjithësi, për pajisjen me dokumentacionin përkatës.

Sipas burimeve zyrtare, në të gjithë vendin gjatë dy ditëve janë proceduar penalisht 79 drejtues motomjetesh, nga këta janë arrestuar në kushtet e flagrancës 38 prej tyre, konkretisht 33 për drejtim motomjeti pa leje drejtimi dhe 5 për drejtim motomjeti në gjendje të dehur.

LEXO EDHE  Batuta e Metës: Taulanti i madhërishëm, edhe i shumicës edhe i pakicës

Janë vendosur 201 masa administrative për drejtim të motomjetit pa kaskë mbrojtëse, si dhe janë vendosur dhe 850 masa për mangësi në dokumentacionin e motomjeteve.