Shënohet viktima e 35-të në vendin tonë nga COVID-19. MSH ka konfirmuar se mëngjesin e sotëm ka ndërruar jetë në spitalin Infektiv një pacient 59 vjeçar nga Lushnja.
Ai ishte shtruar prej 6 ditësh në terapi intensive, i konfirmuar me COVID-19. 59-vjeçari vuante dhe nga Kardiomiopati e dilatuar, sëmundje renale kronike, diabet mellitus, anemi.
Pas asistencës së madhe të stafit mjekësor në terapi intensive, 59 vjeçari nuk ka mundur të mbijetojë.
Sot u konfirmuan 44 raste të reja me COVID-19 në vendin tonë.
