Reperja e famshme Iggy Azalea i ka befasur të gjithë kur zbuloi se tashmë është bërë nënë e një djali. Ajo shokoi ndjekësit të mërkurën me deklaratën e saj në rrjetin social Instagram por nuk dha detaje të mëtejshme.
Iggy jo vetëm që nuk zbuloi nëse i fejuari i saj Playboi Carti është babai i fëmijës por edhe nuk specifikoi se kur mbeti shtatzënë apo kur erdhi në jetë djali.
“Kam një djalë. Po prisja kohën e duhur për ta thënë, por më dukej se sa më shumë të kalonte koha, aq më shumë ndihesha në ankth për të ndarë lajmin me botën,”- shkroi 30-vjeçarja.
Reperja shtoi se dëshironte që ta mbante djalin larg vëmendjes së mediave.
“Unë doja të ruaja jetën e tij private por dua të bëj të qartë se ai nuk është sekret dhe unë e dua aq sa nuk mund ta them me fjalë,”– shtoi Iggy.
Shumë prej ndjekësve kanë supozuar se babai i fëmijës është reperi Playboi Carti por këtë fakt Iggy nuk e përmendi në postimin e saj. Madje ajo as nuk e përmendi fare babain e fëmijës.
Kujtojmë që çifti u lidhën në vitin 2018 dhe u përfolën për një ndarje pas disa muajsh. Por reperja la të nënkuptohej se ishin fejuar në korrik 2019 pasi tregoi një unazë të madhe diamanti kur u pyet për romancën e tyre gjatë një interviste për The X Change Rate.
Hollywood Unlocked ishte media e parë që raportoi se Iggy ishte shtatzënë në dhjetor 2019. Media raportoi se ajo ishte 6 muajshe shtatzënë dhe babai ishte Playboi Carter, por nuk kishin detaje ose prova të tjera për ta provuar këtë.
DJ Akademiks kohët e fundit pohoi se Iggy solli në jetë fëmijën në fund të prillit. Por sidoqoftë gjatë periudhës që u raportua se ajo ishte shtatzënë, reperja publikoi shumë foto me bikini ku tregoi barkun e saj shumë të sheshtë.
