Me urdhër të Drejtorit të Përgjithshëm të Policisë, Ardi Veliu, janë lëvizur disa drejtues të policisë në qarqe dhe drejtoritë e kufirit.
Ferdinand Mara nga kabineti i Drejtorit të Përgjithshëm është emëruar Drejtor i Policisë në Korçë. Ai zëvendëson në këtë detyrë Lorenc Paganikën.
Neritan Nallbati nga drejtor i standardeve është emëruar drejtor policie në Berat, duke zëvendësuar Hasan Ahmetajn.
Bledar Çeliku nga drejtor në Drejtorinë e Përgjithshme kalon drejtor policie në Fier.
Andon Marko, ish-drejtor në Fier, shoku i Fredi Alizotit, shkon drejtor kufiri në Korçë. Ndërsa, ish-Drejtori i kufirit në Korçë, Arben Joca shkon drejtor kufiri në Gjirokastër.
Arben Ibro emërohet drejtor kufiri në Tiranë.
