Policia e Korçës ka arrestuar 34-vjeçarin me iniciale B. R. lidhur me konfliktin e regjistruar mesditën e djeshme, i cili degradoi deri në përdorimin e sendeve të forta.
“Arrestimi i tij u bë pasi, gjatë një konflikti për motive të dobëta, ky shtetas ka goditur me sende të forta shtetasin E. M., 31 vjeç dhe nënën e tij shtetasen Gj. M., 73 vjeçe, banues në Symiz.” thuhet në njoftimin e policisë.
Mësohet se nënë e bir po marrin mjekim në Spitalin e Korçës ku ndodhen jashtë rrezikut për jetën.
Burime bëjnë me dije se konflikti mes dy bashkëfshatarëve nga Symizi i Korçës nisi për shkak të një parakalimi pranë fshatit Libonik dhe degradoi deri në përdorimin e levave prej hekuri.
Materialet i kaluan Prokurorisë të Rrethit Gjyqësor Korçë për veprën penale “Plagosja e lehtë me dashje”
