Ka mjafuar vetëm pak minuta shi për të nxjerrë lakuriq vjedhjet dhe propagandën rilindase me të ashtuquajturën ‘Rilindje Urbane’ në qytetin e Librazhdit.
Disa familje janë bllokuar në shtëpitë e tyre për shkak të përmbytjes, ndërkohë që disa të tjera ju ka hyrë uji brenda duke rrezikuar seriozisht edhe jetën e banorëve, e gjitha kjo për shkak të projekteve gjysmake të bërë nga rilindja.
Pamjet e mëposhtë tregojnë më së miri dështimin e propagandës boshe të rilindjes, të cilët krenohen me investimet e tyre vetëm kur ka diell, pasi kur bie shi qytetarët janë në mëshirë të fatit.
Ajo që nxjerr edhe më shumë në pah mashtrimet dhe vjedhjet e rilindasve në Librazhd ëhstë vetë pozicioni në të cilin është ndërtuar ky qytet.
Të gjithë e dinë se Librazhdi është një qytet i ndërtuar mbi kodër dhe do ishte thuajse e pamundur nëse do të kishte kanalizme normale që ky qytet të përmbytje, pasi për shkak të pjerrësisë ujërat do të derdheshin në Shkumbin.
Por siç shihet në video asnjë nga pusetat nuk funksion dhe nuk shërben për shkarkimin e ujërave.
Shirat e sotëm kanë dëmtuar disa shtëpi në periferi të qytetit, duke rrezikuar kështu që shumë familje të mbeten në qiell të hapur.
Edhe njëherë ashtu si pak ditë më parë në Tiranë, moti nxorri në shesh propagandën boshe të rilindasve, duke treguar se rilindja urbane është thjeshtë një fasadë boje dhe asgjë më shumë
