Ernest Muçi është një nga talentet më të spikatur të Kategorisë Superiore. 19 vjeçari po zhvillon një sezon tepër pozitiv me Tiranën duke qenë deçiziv në shumë takime për ekipin kryeqytetas.
Tiranasi ka gjithçka që i nevojitet për të pasur një karrierë tepër të suksesshme si në Shqipëri ashtu dhe jashtë saj.
Për Muçin janë interesuar shumë klube dhe vetë presidenti i bardhebluve, Refik Halili në një intervistë për “Procesin Sportiv” u shpreh se në merkaton e ardhshme, futbollisti ka shumë mundësi të shitet.
Klubi turk i Menemespor u përfol pak kohë më parë se kërkonte shërbimet e mesfushorit, por së fundmi mësohet se një ekip i madh evropian interesohet për shërbimet e tij.
Bëhet fjalë për skuadrën kroate të Dinamo Zagreb që po përgatitet për ta “rrëmbyer” talentin e Superligës shqiptare.
