Një 38-vjeçar i shpallur në kërkim është arrestuar nga policia e Tiranës. Ai është dënuar për trafikim të drogave të forta.
Pas hekurave ka përfunduar shtetasi Nadir Lutaj, 38 vjeç. Ai është kapur në rrugën rrugën “Todi Shkurti” në Tiranë, pas informacioneve të marra në rrugë operative.
“Gjykata e Krimeve të Rënda e ka dënuar këtë shtetas me 8 vite burg, për veprën penale “Trafikimi i narkotikëve”. Në vitin 2013, në pikën e kalimit kufitar Vlorë, brenda një automjeti janë gjetur 8 pako me peshë 4.5 kg lëndë narkotike heroinë dhe është arrestuar në flagrancë drejtuesi i mjetit, si dhe është shpallur në kërkim pronari i mjetit, Nadir Lutaj.” thuhet në njoftimin e policisë
Veprimet e mëtejshme do të kryhen nga Drejtoria Vendore e Policisë Fier.
