Këngëtarja Eneda Tarfia, e ftuar në emisionin “Në Kurthin e Piter Pan”, u pyet se përse divorcohen kaq shumë artistët.
Këngëtarja u shpreh se divorci tek figura e ekranit është më i dukshëm ndërsa tregoi si të kalohet një ndarje pa dramë.
“Jo se ne divorcohemi më shumë se kategoritë e tjera. Por neve na duket më shumë sepse jemi më të dukshëm për njerëzit e tjerë sepse jemi të pranishëm në ekrane. Divorci është një proces që duhet trajtuar normalisht. Po nuk u trajtua normalisht dhe po nuk u bë dramë nuk do jetë dramë,”– tregoi Eneda.
Ndërsa pyetjes nëse i ka dhuruar ndonjë shok unazë, iu përgjigj: “Në fakt jo. Siç e shikoni gishtat i kam bosh. Nuk kam marrë akoma ndonjë unazë për të qenë.”
Këngëtarja rrëfeu se kohë më përpara merrte rroba borxh për koncerte. Ndërsa sot kohët kanë ndryshuar pasi është ajo që tani jep rroba borxh.
“Po kam marrë rroba borxh për koncerte. Ka ndodhur kohë më përpara por sot ka ardhur një kohë tjetër ku jap rroba borxh dhe nuk marr rroba borxh,”– u shpreh këngëtarja.
