La Liga rifillon sezonin e saj më 11 qershor me sfidën ndërmjet Sevillas dhe Real Betis-it. Ashtu si në të gjitha vendet e tjera dhe ndeshjet janë programuar të zhvillohen me dyer të mbyllura.
Kjo nuk është pritur mirë nga tifozët, që madje u revoltuan dhe ultrasit e shumë klubeve dolën edhe me pankarta, duke përcjellë mesazhin se u rikthye biznesi dhe jo futbolli.
Gjithsesi qeveria spanjolle po mendon t’i kënaqë tifozët dhe klubet, me këta të fundit që do të përfitonin financiarisht dhe të zgjidhnin një problem tjetër që lidhet me abonimet. Nga Spanja raportohet se nga muaji korrik mund të ketë tifozë në stadiume.
Sigurisht gjithçka do të fillojë gradualisht dhe do të lejohet vetëm një numër i caktuar tifozësh duke ndjekur dhe masat e sigurisë. Lajm ky mjaft i mirë për fansat e futbollit por që gjithsesi mbetet për tu konfirmuar.
