Cristiano Ronaldo u bë lojtari i parë i futbollit në histori që arriti pasurinë prej 1 miliard dollarësh. Gjithashtu lojtari portugez, është gjithashtu sportisti i tretë që tejkalon kuotën e lakmuar ndërsa ai është akoma aktiv, pas mbretit të golfit Tiger Woods (në 2009) dhe boksierit Floyd Mayweather (në 2017).
Por, pavarësisht kësaj arritjeje, të vërtetuar nga Forbes, CR7 nuk është futbollisti më i pasur në botë. Në fakt, vendin e parë e ka “zaptuar”, për çudinë e të gjithëve Faiq Bolkiah, sulmuesi i ri i Leicester City-t.
22-vjeçari është djali i Jefri Bolkiah, Princit të Bruneit. Pasuria e tij vlerësohet rreth 18 miliardë euro, pra 18-fishin e Ronaldos. Megjithatë kuptohet që dallimi është i madh: Ronaldo i fiton falë cilësive të tij, ndërsa Bolkiah vetëm se është djali i babait…
