Dy shqiptarë janë vënë në pranga nga autoritetet policore italiane, pasi akuzohen për grabitje. Bëhet fjalë për shtetasit Pjetër Xheta 46 vjeç e Mikel Goxhi 31 vjeç.
Ata ishin përgjuar nga prokuroria teksa ata merreshin me veprimtari të paligjshme. Këto vepra penale, dyshohet se janë kryer në komunat Baia dhe Latina, Pietravairano, Aversa si dhe në qytetin e Benevento, raportojnë mediat e vendit fqinj.
Sipas mediave italiane, shqiptarët hynin nëpër banesa private, duke marrë para, bizhuteri dhe orë, e kështu duke shkaktuar dëme materiale të konsiderueshme tek të dëmtuarit.
Përgjimet zbuluan se të dyshuarit përdornin kode të veçanta në komunikim, sa herë që planifikonin vjedhje. Ata përdornin shprehjen “të luajmë futboll”, që nënkupton “do të vjedhim sonte”.
