Kryeministri Edi Rama në një lidhje me emisionin ‘Open’ ka folur për marrëveshjen për Reformën Zgjedhore dhe për arsyet se përse ai u tërhoq nga qendrimi për komisionerë të depolitizuar.
Rama deklaroi se mazhoranca ishte në tryezën e Këshillit Politik për të marrë dakordësinë për Kodin Zgjedhor nga Partia Demokratike.
Pjesë nga emisioni:
Bushati: Pse u tërhoqët nga qendrimi juaj?
Rama: Qendrimi im nuk ka ndryshuar asnjë milimetër. Nuk ka ndryshuar qendrimi im në raport me pse më e mira ëpr zgjedhjet në shqipëri është që të vendosen në komision persona të cilët kanë detyrim të drejtpërdrejtë ndaj ligjit dhe ndaj vetes se në rast se do të shkelin ligjin penalizohen drejtpërdrejtë tek vetja e tyre. E kam thënë dhe e përsëris. Arsyeja ëhstë shumë e thjeshtë, ne ishim aty vetëm për një arsye për të marrë konsensusin e PD për Kodin Zgjedhor në funksion të heqjes së çdo alibie për të mbajtur gjallë një konflikt absurd. Këtë deshëm të merrnim dhe këtë morëm.
