Federata e Italiane e Futbollit (FIGC) ka dhënë verdiktet për sezonin e Serisë C, duke ndërprerë këtu kampionatin por duke njoftuar se ndeshjet e playoff-it dhe playout-it në bazë të renditjes aktuale do të luhen.
Kështu ekipi i Monzës në pronësi të Silvio Berlusconi-t, mund të festojë pasi do të ngjitet në Serinë B. Së bashku me këtë skuadër edhe Vicenza dhe Reggina (emër i madh i futbollit italian) ngjiten në Serie B, pasi kanë kryesuar dhe dominuar grupet e tyre në Lega Pro (A, B dhe C).
Gozzano, Rimini dhe Rieti, tre të fundit në grupet e tyre, bien në Serie D. Shkohet drejt playout edhe në Grupin C të Lega Pro, edhe pse e parafundit dhe e pesta nga fundit kanë një avantazh kaq të madh sa për të mos bërë playout.
