Përveç plagosjes së Ardian Çapjas, nga ngjarja e rëndë mbeti i plagosur dhe një zjarrfikës teksa po shuante flakët te makina e autorëve të braktisur në dalje të qytetit të Elbasanit.
Sipas burimeve zyrtare i plagosur ka mbetur shtetasi Dashamir Muhaxhiri, 38 vjeç. Ai është plagosur në këmbë dhe ndodhet jashtë rrezikut për jetën.
Dyshohet së plagosja është shkaktuar si pasojë e plasjes së plumbave që mund të kenë qenë në bagazhin e automjetit.
Ngjarja ndodhi në lagjen “Skënderbej”, rreth orës 09:43, ku është gjetur duke u djegur një mjet tip “Wolkswagen”, i cili mendohet se i përket autorëve të plagosjes së Ardian Çapjas.
Ndërkohë Ardian Çapja ndodhet në spitalin e Traumës në Tiranë në gjendje të rëndë.
Grupi hetimor po punon për sqarimin e rrethanave të ngjarjes.
