Policia e Korçës ka vënë në pranga një person dhe ka shpallur në kërkim një tjetër pasi ushtronin aktivitetin e paligjshëm të lojrave të fatit dhe për mbajtje të pasiguruar të punonjësve.
Pas hekurave ka përfunduar punonjësi 20-vjeçar shtetasi R. K., 20 vjeç, ndërsa në kërkim është shpallur pronari i një lokali, shtetasi M. D., 43 vjeç, banues në Korçë.
“Gjatë kontrollit të ushtruar nga policia në lokalin e 43-vjeçarit, në lagjen nr. 8, Korçë, iu gjetën dhe sekuestruan në cilësinë e provës njësi kompjuterike dhe monitorë, të cilët dyshohet se shërbenin për lojra fati të palejuara. Si edhe nga verifikimet e kryera rezultoi se shtetasi R. K., kamarier në këtë lokal, ishte i pasiguruar pranë organeve tatimore.” thuhet në njoftimin e policisë.
Materialet në ngarkim të tyre i kaluan Prokurorisë Pranë Gjykatës së Shkallës së Parë Korçë për veprat penale “Fshehja e të ardhurave”, “Organizimi ose ushtrimi i veprimtarive të lojërave të fatit në kundërshtim me ligjin” dhe “Punësimi i paligjshëm”.
