Policia Rrugore i ka bllokuar patentën Shkëlzen Berishës dhe moderatorit të njohur Ermal Mamaqit.
Sipas raportimeve të disa mediave, ngjarja ka ndodhur mbrëmjen e të shtunës, rreth orës 23:00.
Policia rrugore gjatë kontrollit të ngritur tek rrethrrotullimi pranë autostradës Tiranë-Elbasan, ka ndalur për tejkalim shpejtësie, Shkëlzen Berishën dhe Ermalin Mamaqin, që udhëtonin me makina të ndryshme.
Sipas raportimeve të mediave është konstatuar se Shkëlzen Berisha po udhëtonte me makinën e tipit “Benz” S320 udhëtonte me 127 km/orë. Sa i përket Ermal Mamaqit, policia ka konstatuar se po i jepte makinës “Renault” me një shpejtësi prej 120 km/orë.
Si Mamaqit dhe Berishës do t’i duhet të paraqiten në komision ku pritet të merret vendimi për heqjen e patentës nga 1 deri në 3 muaj, si dhe gjobë administrative.
