Zamir Topi tronditi opinionin publik me vrasjen që kreu në mes të Korçës. Pasi e akuzoi viktimën e tij se i kishte dëmtuar varrin e nenës, ai e goditi në kokë me sopat. Por autori mbrëmjen e djeshme i dha fund jetës duke u vetëvarur.
Zamir Topi u vetëvar me çarçaf në tualet, raporton gazeta Panorama. Pas vrasjes se Dashnor Osmanit, duke i prerë kokën me sëpatë, Zamir Topi i cili vuante edhe nga probleme të shëndetit mendor u burgos në burgun e Zaharisë në Krujë.
Mësohet se Zamir Topi kishte tentuar edhe më parë të vriste veten, por ishte ndaluar në kohë nga të burgosurit e tjerë.
Ngjarja
Zamir Topi ishte autori i vrasjes me sëpatë të Dashnor Osmanit, 50 vjeç, në 28 janar 2020 në qytetin e Korçës.
Në dëshminë që Topi dha para uniformave blu në momentin e arrestimit tha se ishte konfliktuar me viktimën, pasi ky i fundit i kishte dëmtuar varrin e nënës.
“Më kishte dëmtuar varrin e nënës që ishte afër me varrin e të afërmit të tij. I kërkova ta hiqte varrin që aty se më ishte dëmtuar varri i nënës, por ai nuk prani dhe filloi të më kundërshtonte”, ka thënë ai para policisë.
