Skuadra e Wolfsburg ka mundur në transfertë 0-1 Werder Bremen në ndeshjen të vlefshme për javën e 30-të të Bundesligës gjermane.
Ka qenë një përballje e ekuilibruar mes skuadrave fati i së cilës u vendos në minutën e 82-të. Goli i fitore për “Ujqërit” u shënua nga sulmuesi Wout Weghorst. 27-vjeçari goditi bukur me kokë në qendër të zonës pas një krosimi fantastik nga ana e Felix Klaus.
Me këtë rezultat Wolfsburgu ngjitet në vendin e gjashtë në kuotën e 45 pikëve, një pozicion që synon ta ruajë deri në fundin e sezonit pasi të siguron një ndeshje playoffi për të luajtur në Europa League.
Nga ana tjetër Werder Bremen renditet në vendin e 17-të dhe rrezikon ndjeshëm rënien nga kategoria.
