Mbrojtësi i Juventusit, Leonardo Bonucci, ka zbuluar karakteristikat e trajnerit aktual të bardhezinjve, Mauricio Sarri dhe Max Allegrit i cili u largua nga Juventusi verën e kaluar.
Duke folur për “Gazzetta dello Sport”, Bonucci tha: “Diferencat janë të dukshme, Allegri është një mjeshtër në menaxhimin e dhomës së zhveshjes dhe momentet e vështira. Në pesë vitet e qëndrimit te Juventus ai ishte një mjeshtër në këto gjëra.”
“Nga ana tjetër Sarri është një takticien i apasionuar i cili dëshiron gjithmonë që skuadra e tij të luajë një futboll të bukur. Ai ka shumë dijeni rreth futbollit dhe është edhe kritik i vetes.”
