Eros Grezda u bë protagonist i një sherri me lojtarin e Rijekës, Antonio Colak. Gjithcka ndodhi pas gjysmëfinales së Kupës së Kroacisë ndërmjet Osijekut dhe Rijekës e fituar nga këta të fundit.
Sulmuesi shqiptar goditi me grusht futbollistin kroat dhe komisionet disiplinore e pezulluan lojtarin e kombëtares shqiptare me katër ndeshje. Ndërsa së fundmi edhe Osijek nuk ka ngurruar të marrë një vendim për sjelljen e Grezdës, të cilit i është vënë gjoba maksimale.
Klubi njoftoi zyrtarisht se do t’i mbahet 20% e pagës gjatë sezonit të ardhshëm. Në Kroaci, referuar burimeve jo zyrtare, raportojnë se Grezda përfiton 200 mijë euro në sezon dhe sipas llogarive klubi i Osijek do të mbajë 40 mijë euro nga pagat e anësorit.
