Bayern Munich ka mundur me rezultatin 2-4 Leverkusenin në ndeshjen e vlefshme për javën e 30-të të Bundesligës.
Në fakt ishte një fitore me përmbysje për Bayerni-n, të cilët e panë veten në disavantazh pas vetëm 10 minutash lojë ku për vendasit shënoi Alario. Gjithsesi Bayern-i do ta kthente rezultatin brenda pjesë së parë me anë të golave të Coman, Goretzkas dhe Gnabry përkatësisht në minutat 27’, 42’ dhe 45’.
Në pjesën e dytë bavarezët kontrolluan lojën, ndërsa shënuan golin e katërt me anë të Lewandowski-t. Sulmuesi polak tundi rrjetën me një goditje me kokë në minutën e 66-të. Në minutat e fundit të takimit, LEverkusen shkurtoi diferencat në 2-4 me anë të Wirtz, një gol i vlefshëm vetëm për statistika.
Duhet theksuar që me realizimin e sotëm, Lewadowski arrin në shifrën e 44 golave sezonal, arritja më e mirë në karrierën e tij, duke mundur rekordin e tij të mëparshëm të 43 golave në sezon 2016-2017.
Bayern Munich me këtë fitore arrin në kuotën e 70 pikëve duke prenotuar titullin kampion. Bavarezët kanë 10 pikë më shumë se Dortmundi i vendit të dytë (me një ndeshje më pak), kur kanë mbetur vetëm 4 ndeshje për tu zhvilluar.
