Tre persona janë arrestuar dhe një tjetër është shpallur në kërkim nga policia e Elbasanit në kuadër të operacionit “Domosdova”, pasi janë kapur me 28.5 kg lëndë narkotike e llojit kanabis.
Pas hekurave kanë përfunduar shtetasit T. B., 46 vjeç, I. D., 33 vjeç dhe Y. S., 39 vjeç, të tre banues në Korçë. Si dhe është shpallur në kërkim policor shtetasi B. G., 46 vjeç.
“Arrestimi i tyre u bë pasi, në aksin rrugor Elbasan-Përrenjas, shërbimet e Policisë, gjatë kontrollit të ushtruar në automjetet tip “Audi” dhe ” Peugeot”, kanë gjetur dhe sekuestruar në cilësinë e provës materiale 28.5 kg lëndë narkotike kanabis. Policia vijon punën për identifikimin dhe arrestimin e personave të tjerë që janë përfshirë në këtë veprimtari kriminale.” njofton policia.
Materialet procedurale do t”i kalojnë Prokurorisë pranë Rrethit Gjyqësor Elbasan, për kryerjen e veprimeve të mëtejshme hetimore.
