VIDEO/ Basha zbulon mashtrimin e Qeverisë: Propaganda e Ramës nuk e fsheh dot dështimin

Kreu i PD-së Lulzim Basha ka publikuar një video në rrjetet sociale ku nxjerr zbuluar mashtrimin e Qeverisë mepastrimin e rrënojave nga tërmeti në Thumanë.

Ministri i Rindërtimit Arben Ahmetaj deklaron me zë dhe me figurë se për 6 ditë ajo do të jetë e pastruar, por ndërkohë që kanë kaluar 56 ditë është e njëjta gjendje.

Basha shprehet se propaganda e kryeministrit Rama nuk e fsheh dot dështimin e Qeverisë. Sipas tij, ekonomia në krizë të thellë, është dështimi i Ramës, i qartë po aq sa gënjeshtrat që ai broçkullit çdo ditë shqiptarëve

Postimi i plotë:

RAMAVIRUSI shkatërroi ekonominë dhe varfëroi shqiptarët edhe më shumë gjatë pandemisë.

Propaganda me regji qëndrore e Ramës nuk e fsheh dot dështimin. Në prill premtoi se do të punohet me 4 turne (!!!) për të pastruar Thumanën nga rrënojat. Pamjet flasin vetë. “Puna” zgjati aq sa vizita dhe transmetimi me regji qëndrore i mashtrimit të radhës.

Rama nuk i ndihmoi qytetarët as pas tërmetit dhe as gjatë pandemisë. Lekët e shqiptarëve i çon në xhepin e oligarkëve dhe për shpenzime luksi. Në vend që të ndihmonte qindra familje të varfëra, Rama harxhoi qindra mijë euro të taksave tona me charter luksi për fundjavë në Paris.

Ekonomia në krizë të thellë, është dështimi i Ramës, i qartë po aq sa gënjeshtrat që ai broçkullit çdo ditë shqiptarëve.