Portieri i Real Madrid por që luan në huazim te Racing Santander, Luca Zidane, do të largohet nga “Los Blancos” dhe e ardhmja e tij pritet të jetë në Francë.
Periudha e huazimit te Santander skadon më 30 qershor dhe 22-vjeçari do të kthehet në kryeqytetin spanjoll por duke ditur që duhet të gjejë një skuadër të re.
Ashtu siç raporton “Marca” gjatë merkatos së verës nga Real Madrid do të largohen shumë futbollistë dhe djali i trajnerit Zidane, është një prej tyre.
Menaxheri i futbollistit, Alain Miglaccio, ka bërë të ditur se e ardhmja e Luca-s pritet të jetë në Francë me skuadrën e Montpellier. Ai pritet të luajë rolin e portierit të dytë ku vendin e titullarit e ka Gerónimo Rulli.
