Pandemia e coronavirusi ka prekur pa përjashtim financat e të gjitha klubeve, qoftë këta ekipe të mëdha apo ato me buxhet të ulët.
Ndërsa gjigandët e futbollit europian, pritet ta kalojnë më lehtë mungesën e fondeve e njëjta gjë nuk mund të thuhet për klube e vogla të cilat kanë nevojë për një stimul financiar.
Pikërisht për këtë problematikë, FIGC (Federata Italiane e Futbollit) ka ndërmarrë një nismë të veçantë.
“Salva Calcio“, (Shpëtoni Futbollin) quhet fondi i krijuar, që është aprovuar gjatë ditë së sotme. Komiteti i FIGC ka aprovuar 21 milionë e 700 mijë euro fond për futbollistët e Serie B dhe ata të kategorive të mëposhtme: Serie C ose Lega Pro dhe Serie D, ndryshe amatorët.
“Është një nismë e paprecedentë. Përfaqëson një përgjegjësi të madhe që ndërmerr Federata në favor të sistemit të futbollit. Bëhet fjalë për diçka që do të ndihmojë të gjithë klubet“, u shpreh shkurt për Gabriele Gravina, presidenti i Federatës.
