Gregory Tyree Boyce dhe e dashura e tij u gjetën të vdekur në një banesë në Las Vegas. Raportohet se çifti vdiqën pasi konsumuan kokainë dhe fentanil.
Pranë trupit të Boyce dhe partneres së tij Natalie Adepoju u gjet substancë pluhur i bardhë.
30-vjeçari dhe 27-vjeçarja u gjetën në dhomën e gjumit në shtëpinë e tyre nga shoku i dhomës, Louis Ledbetter, më 13 maj.
Oficerët thanë se çifti u gjetën të shtrirë lakuriq në shtrat dhe vdiqën nga konsumimi i kokainës e fentanilit.
Ledbetter i tha policisë se ishte takuar me çiftin 48 orë përpara se ti gjente të vdekur.
Nëna e Boyce, Lisa shkroi në një postim në Facebook ku lajmëroi vdekjen e tij: “Do sëmurem pa ty. Jam e coptuar, kam humbur. Kam dhimbje. Të tefelfonoja dhe të shkruaja mesazh kur kisha ndonjë problem apo isha e shqetësuar për diçka dhe më thoje që do e kalonim së bashku. Pse më le? Asnjëherë më një tjetër përqafim, puthje dhe asnjeherë s’do i dëgjoj më ato fjalë. Jam e thyer. Të dua Greggy.”
Boyce la pas një vajzë 10-vjeçare, ndërsa Adepoju kishte një djalë të vogël. Boyce ishte më i njohur për rolin e tij si Tyler Crowley në filmin e madh të Twilight ne vitin 2008, ku luajti perkrah Kristen Stewart dhe Robert Pattinson.
