Bosnja Hercegovina i ka dhënë fund kampionatit të saj elitar përpara kohe, ndërkohë Sarajevo e cila kryesonte kampionatin me tre pikë avantazh është shpallur kampion.
Vendimi është marrë nga Federata Boshnjake e Futbollit, ndërsa është marrë vendimi edhe për skuadrat që bien nga kategoria por edhe ato që kualifikohen në Europë. Kështu skuadrat që bien në kategorinë e dytë janë Celik dhe Zvijezda ndërsa në Europë do të shkojnë Zeljeznicar, Zrinjski dhe Borac Banja Luka.
Ky vendim është kritikuar shumë nga skuadrat e Zeljeznicar dhe Zrijnski Mostar që mbanin përkatësisht vendin e dytë dhe të tretë në tabelën e klasifikimit dhe ishin në luftë për titullin.
