Këshilli Politik për Reformën Zgjedhore pritet të mblidhet nesër në orën 11:00 në Pallatin e Kongreseve për të vijuar me diskutimin e çështjeve që ende kanë mbetur pezull.
Pas takimit të zhvilluar sot në rezidencën e Ambasadës Amerikane në Tiranë me ambasadorët Yuri Kim, Duncan Norman dhe Luigi Soreca, 4 anëtarët e Këshillit Politik Daman Gjiknuri, Oerd Bylykbashi, Petrit Vasili dhe Rudina Hajdari janë dakordësuar që të nisin bisedimet në orën 11:00.
Të tre ambasadorët u kërkuan palëve politike të arrijnë konsensusin sa më shpejt pasi reforma zgjedhore është një prej kushteve për anëtarësimin e Shqipërisë në BE.
“Është thelbësore që këtë ta përfundojmë nesër dhe jo vetëm për rrugëtimin e Shqipërisë drejt BE-së, por në mënyrë që edhe votuesit shqiptarët të kenë zgjedhje të lira dhe të sigurta. Kështu që le ta bëjmë punën”, tha ambasadori britanik Duncan Nurman.
“Duhet të japin që Shqipëria të fitojë. Është një votë për Shqipërinë në Europë. BE ka vendosur një sërë kushtesh për vazhdimin e negociatave. Mes tyre është reforma zgjedhore në përputhje me rekomandimet e OSBE-ODIHR. Qëllimi ynë sot dhe nesër është që Shqipëria të përmbushë të gjitha rekomandimet që të jetë anëtare me të drejta të plota në BE”, u shpreh Yuri Kim.
Ndoshta negociatat e zhvilluara sot në rezidencën e Ambasadës së SHBA lidhur me reformën zgjedhore është një rast unikal për politikën shqiptare, e cila as në momentet më të vështira të saj, nuk është mbledhur për të arritur një konsensus në një seli diplomatike.
DENONCO