Bes Kallaku ka ndarë me ndjekësit në Instagram disa pamje të një banese që po shembej për t’u rindërtuar sërish pas tërmetit të frikshëm të 26 nëntorit.
Shtëpia e familjes së Musait do të financohet nga Besi dhe Bebe Rexha, të cilët ishin personalisht në vendgjarje pas tërmetit.
Besi ka qenë në vendngjarje për të ndjekur punimet nga afër. Aktori i njohur i humorit falenderon Bebe Rexhën dhe shprehet i lumtur që më në fund do të ngrihen themelet e shtëpisë së familjes në Bubq!
“Ka nisur ndertimi i shtepise se Musait. U shemb nje shpi e lare me lot e dhimbje prej fatkeqsive dhe me bekimin e Zotit po ngrihen themelet e reja mbi guret e buzqeshjes edhe gezimit te zemres! Flm @beberexha bekuar qofsh!”, shkruan Besi.
Kujtojmë që në dhjetor 2019, Bebe anuloi të gjitha koncertet e saj muzikore dhe angazhimet e tjera vetëm që të vinte në Shqipëri për të dhënë ndihmën e saj.
Ajo do të kontribuojë në ndërtimin e dy banesave të shkatërruara nga tërmeti, asaj në Bubq dhe një tjetre në Bizë.
