Ditën e sotme (e hënë, dt. 1 qershor) vendi ynë do të karakterizohet nga një mot i alternuar me kthjellime dhe vranësira duke sjellë mot kryesisht të kthjellët që herë pas here do të zëvendësohet nga reshjet e shiut.
Sipas Meteoalb, sot temperaturat do të pësojnë një rënie të lehtë, ku do të variojnë: në zonat malore, nga 06ºC në 18ºC, në zonat e ulëta nga 12ºC në 24ºC dhe në zonat bregdetare nga 15°C në 25ºC.
Era do të fryjë në drejtim Veriperëndimor ndërsa forca e valëzimit në det do të jetë 3-4 ballë.
