Një ngjarje e rëndë ka ndodhur mbrëmjen e djeshme në Durrës.
Dy persona kanë goditur me sende të forta një tjetër pas një konflikti për motive të dobëta, duke e mbajtur dhe për disa kohë në një dhomë.
“T. C., 33 vjeç dhe E. C., 24 vjeç, banues në Durrës, pasi më datë 31.05.2020, pas një konflikti për motive të dobëta, kanë goditur me sende të forta shtetasin F. L., 35 vjeç, banues në Durrës, duke e mbajtur disa kohë në një dhomë në banesën e shtetasit E. C.” njofton policia.
35-vjeçari ndodhet në spital, nën kujdesin e mjekëve. Ndërsa shtetasit T. C., dhe E. C. përfunduan pas hekurave.
Materialet i kaluan Prokurorisë së Rrethit Gjyqësor Durrës, për veprat penale “Heqja e paligjshme e lirisë” dhe “Plagosja e rëndë me dashje” e kryer në bashkëpunim.
